Iloinen kirja

Helmet-lohkanhástalus 2019

Suomagielat Helmet-lohkanhástalus almmustahttojuvvo juo viđát geardde. Dán jagi lohkanhástalus maiddái davvisámegillii!

Helmet-lohkanhástalus álggahuvvui jagi 2015, ja máilmmeviidosaš álgoálbmotgielaid jagi gudnin dat almmustuvvá dál maiddái davvisámegillii. Lohkanhástalus lea leaikás lohkanprošeakta, mas don oaččut 50 sierralágan vugiin válljet alccet lohkamuša. Bures boahtin mielde girjjálašvuođa gelddolaš fearániidda!

Sámegielat lohkanhástalus ollašuhtto Suomas sámi spesiálagirjerádjosis Roavvenjárggas Johtti Girjerádju -prošeavttain.

Lohkanhástalusa leat geahččalan dahkat máŋggabealagin ja movttiidahttin, muhto seammás maid lohkkiide hástaleaddji vásáhussan. Ulbmil lea ahte sihke vásihan lohkkiin ja maiddái ođđa lohkkiin lea suohtas lohkat Helmet-hástalusa girjjiid miehtá jagi. Hástalusas leat váldán vuhtii ee. sámeservodaga áigeguovdilis áššiid ja historjjálaš dáhpáhusaid.

Jus 50 girjji girjelohkanhástalus orru leamen beare gáibideaddji, de mii fállat maid veahá álkit hástalusa. Unna Helmet-lohkanhástalus lea namas mielde unnit, 25 girjji lohkanhástalus. Unna Helmet-lohkanhástalusas girjjit leat oaivvilduvvon earenomážit mánáide, muhto maid rávesolbmot sáhttet njuiket mielde dán hástalussii.  

Lohkanhástalusa ulbmil lea fállat lohkkiide ođđa geahččanguovlluid, movttiidahttit ja heahkastuhttit. Lohkanhástalus lea buohkaide rabas bovdehus girjjálašvuođa máilbmái!

Vihtta čoavdaga lihkostuvvan lohkanhástalusa čađaheapmái:

1. Gii beare sáhttá oassálastit

Váikko lohkanhástalusa namman leage Helmmot-lohkanhástalus, Helmmot-girjerádjosiid mielde, de gii beare sáhttá váldit oasi hástalussii ja lea bures boahtin váldit oasi ságastallamii.

2. Lohkanhástalusain ii dárbbaš stresset

Go vuolggát mielde lohkanhástalussii, de muitte, ahte hástalusa ulbmil lea lasihit lohkanmovtta, ii lohkanstreassa. Logat nu máŋga girjji go nagodat, vállje dušše beare asehis girjjiid, dahje hilggo oba hástalusa, jus dat orro heiveme buoremusat dutnje. Lohkanhástalusa ii dárbbaš čađahit listtu miel ortnegis, baicce divtte lohkanmovtta láidet du girjjiidlohkanortnega.

3. Juohkehaš oassálastá iežas vugiin

Háliidatgo merket ovttain girjjiin máŋga ruossa girjelisttus? Háliidatgo meaddit muhtin girjji, daningo dat ii oro du ollenge ”cáhkkeheame”? Geahččalatgo ovttain eallingeardegirjjiin oažžut máŋga mearkka hástaluslistui? Buot dát goansttat leat lobálaččat! Sáhtát maid lohkat girjjiid dán hámis go háliidat – báberveršuvdnan, e-girjin dahje jietnagirjin. Helmet-lohkanhástalus addá inspirašuvnnaid, muhto don ieš válljet, maiguin eavttuiguin don dasa oassálasttát.

4. Juhkkojuvvon lohkanmokta lea máŋggageardásaš

Lohkanhástalussii lea suohtas oassálastit ovttas earáiguin. Movttiidahte ustibiiddát searvat lohkanhástalussii, nu beasat ságastallat jagi buot suohttaseamos, issorasamus ja buot heajomus lohkanvásáhusa birra.

5. Veahkki lea álot gávdnamis!

Itgo dieđe gos gávnnat Helmet-hástalusa girjjiid? Ale heađásnuva, veahkki lea lahka! Mana lagas girjerádjosii ja girjerádjosa bargit ja eará lohkkit veahkehit du ovddosguvlui. Lassin sáhtát gávdnat girjeguoigalemiid ođđa Virtuálafierbmi-siiddus www.virtualafierbmi.fi Earenomáš váttis gažaldagaiguin váldde oktavuođa sámi spesiálagirjerádjui Roavvenjárgii Tel: +358 16-322 2493, +358 50-315 1493

Movttegis lohkanjagi 2019!

Helmet-lohkanhástalus 2019

1. Girjji ovdabearpmas lea olbmo ámadadju
2. Girjjis ohcat láhppon olbmo dahje diŋgga
3. Girji dákkár girjjálašvuohtašlájas, maid don it dábálaččat láve lohkat
4. Girječálli áidna girji
5. Girji lea leamašan evttohassan girjjálašvuođa bálkkašumi oažžun
6. Ráhkisvuođaromána
7. Girji muitala báikkis, gos don leat fitnan
8. Girji, man sápmelaš ferte lohkat
9. Vuollil 18-jahkásačča ávžžuhan girji
10. Nuppi riikka sápmelačča čállin girji
11. Girji gieđahallá nissonolbmo sajádaga servodagas
12. Girjjis máidnasat muhtin eará álgoálbmogiin
13. Mánáid- dahje nuoraidgirji sámegillii
14. Girječálli goargu álgá seammá bustávain, go du iežat goargu
15. Girjjis gieđahallet muhtin tabuášši
16. Girjji dáhpáhusat dáhpáhuvvet duohtaeallima ja govviduvvon eallima gaskkas
17. Girjjis leat jumežagat dehe oappážagat/vieljažagat
18. Eurohpalaš girječálli čállin girji
19. It liiko girjji nammii
20. Girji muitala dutnje amas kultuvrras
21. Árbevirolaš sámi muitalusa vuođul čállon girji
22. Girji gieđahallá dálkkádatrievdadeami
23. Girjji namas namuhuvvo muhtin riika dehe duovdda
24. Summál girjehildus válljejuvvon girji
25. Girji muhtin girječállis, gean girjjiid it leat lohkan ovdal
26. Girji, man oainnát muhtin amas olbmo lohkame
27. Girji mas mielde davviriikkalaš mytologiija
28. Girjji bearbmagovas lea mánnu
29. Girjjis oidnet nieguid
30. Girjji dáhpáhusbáikin lea gávpot
31. Girjjis johtet metroin dahje togain
32. Girjji namas lea ámmát
33. Girji man hálidivččet oaidnit filbman
34. Girjjis leat máŋggaid girječálliid deavsttat
35. Girjjis muitaluvvo boazoealáhusa birra
36. Girjjis leat akto
37. Smávit goasttideaddji girji
38. Girji lea almmustuvvan maiddái jietnagirjin
39. Olbmo ja ealli gaskavuođas muitaleaddji girji
40. Loga noveallačoakkáldaga
41. Girji muitala áigodagas, goas don livččet háliidan eallit
42. Girječálli namma geasuha du
43. Girji čuovvu máná rávásnuvvama
44. Girji muitala ruvkedoaimma dahje eará sisabáhkkemiid birra
45. Girjji namas lea gieldinsátni
46. Girjjis lea tráns- dahje earásohkabeale olmmoš
47. Girjjis leat vuollel 100 siiddu
48. Loga diktagirjji
49. Loga jagi 2019 almmustuvvan girjji
50. Girji man girjerádjobargi ávžžuha lohkat

Čálihahtti veršuvdna Helmet 2019 lohkanhástalusas

Helmets lilla läsutmaning

The Little Helmet Reading Challenge

Малый литературный вызов Helmet 2019

Hyödyllisiä linkkejä:

Saamelainen erikoiskirjasto

Virtuálafierbmi

Fárrui

Ovttas

Sámigirjerádjubálvalus

Jođi

Jutaava kirjasto.png

Linkkejä suomeksi:

Taulukoita lukuhaasteen seurantaan

Lukuhaasteen Facebook-ryhmä

Kirjavinkkejä

Kirjasammon hakuohjeet lukuhaasteeseen

Materiaaleja kirjastoille, blogeille ja lehdistölle

Guovlla maid: 

Unna Helmet-lohkanhástalus 2019

Helmet-musahaaste 2019 (suomeksi)

Helmet-pelihaaste 2019 (suomeksi)

Lohkanhástalus eará gielain:

Lukuhaaste suomeksi.

Läsutmaningen på svenska.

Reading challenge in English.

Литературный вызов по-русски.

Ovdalaš lohkanhástalusat (suomeksi):

Helmet-lukuhaaste 2018

Helmet-lukuhaaste 2017

Helmet-lukuhaaste 2016

Kirjan vuoden lukuhaaste 2015